सुदूरपश्चिम प्रदेशका थप ३५ जनामा कोरोना संक्रमण पुष्टि भएको छ । प्रदेशका ४ वटा प्रयोगशालामा गरीएको परीक्षणमा ३५ जनामा संक्रमण पुष्टि भएको हो ।
सेती प्रादेशिक अस्पताल प्रयोगशालामा पछिल्लो २४ घण्टामा १ सय ९० जनाको परीक्षण गर्दा थप ९ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए ।
उनका अनुसार धनगढी उप–महानगरपालिका वडा नम्बर १२ का ३ जना, वडा नम्बर ४ का १ जना, लम्कीचुहा नगरपालिका वडा नम्बर २ का २ जनामा कोरोना संक्रमण पुष्टि भएको छ ।
ठेगना नखुलेका कैलालीकै १ जना, कञ्चनपुरको शुक्लाफाँटा नगरपालिका ५ र अजयमेरु गाउँपालिका ४ का १ जनामा संक्रमण पुष्टि भएको सूचना अधिकारी श्रेष्ठले बताए ।
उता डोटीमा गरिएको परिक्षणमा थप एक जनामा कोरोना संक्रमण पुष्टी भएको छ । पछिल्लो २४ घण्टामा २९ नमुना परिक्षण गर्दा थप एक जनामा कोरोना संक्रमण पुष्टी भएको हो । संक्रमण पुष्टी हुनेमा डोटीको दिपायल सिलगढीका एक पुरुष रहेको अस्पतालका ल्याव इन्चार्ज शौरभ श्रेष्ठले बताउनु भयो ।
यस्तै डडेल्धुरा अस्पतालमा १६ र अछामको कमल बजार प्रयोगशालामा ९ जनामा कोरोना पुष्टि भएको सामाजिक बिकास मन्त्रालयले जनाएको छ । यो योसंगै सुदूरपश्चिममा कोरोना संक्रमितको संख्या ११ हजार २७ पुगेको छ । संक्रमण पुष्टि भएका ९ हजार १ सय ६६ जना डिस्चार्ज भएका छन भने हाल सम्म ३६ जना संक्रमितको मृत्यु भएको छ ।
