कञ्चनपुरको बेलौरीमा सोमबार राति परेको चट्ट्याङ लागेर ३ जना युवक घाइते भएका छन् ।
चट्ट्याङ लागेर घाइते हुनेहरुमा कञ्चनपुरको बेलौरी नगरपालिका वडा नम्बर १ बैशाखी निवासी करीब २३ वर्षीय लोकेन्द्र चन्द, २६ वर्षीय सुजन शाही र २० वर्षीय नरेश शाही रहेको इलाका प्रहरी कार्यालय बेलौरीका प्रहरी निरीक्षक रण बहादुर चन्दले जानकारी दिनुभयो ।
घर नजिकै रहेको राधा मन्दिरमा बसी मोबाइल चलाइरहेको समयमा सोमबार राति ०८ः२५ बजे तिर चट्ट्याङ लाग्दा घाइते भएका तीनै जना मध्ये लोकेन्द्र चन्दको अवस्था गम्भीर रहेको र बाँकी दुवै जनाको कम्मर मुनीको भागमा बढी समस्या देखिएको प्रहरीले जनाएको छ ।
तीनै जनालाई थप उपचारका लागि कैलालीको धनगढी पठाइएको छ ।
