सुदूरपश्चिम प्रदेशका थप ७४ जनामा कोरोना संक्रमण पुष्टि भएको छ । प्रदेशका ५ वटा प्रयोगशालामा गरीएको परीक्षणमा ७४ जनामा संक्रमण पुष्टि भएको हो ।
सेती प्रादेशिक अस्पताल प्रयोगशालामा आज ३१३ जनाको परीक्षण गर्दा थप ३५ जनामा संक्रमण पुष्टि भएको हो ।
अस्पतालका सूचना अधिकारी दिलिपकुमार श्रेष्ठका अनुसार १६ महिला र १९ पुरुषमा संक्रमण पुष्टी भएको छ ।
उनका अनुसार उपमहानगरपालिकाको वडा नम्बर १ का २ जना, वडा नम्बर २,३,५र८ का एक/एक जना, धनगढीको वडा नम्वर नखुलेका १ जनामा संक्रमण देखिएको छ ।
कैलालीको टिकापुरका ८जना, गोदावरीका ४जना,घोडाडोडीका एक जना, र कैलालीको स्थानीय तह नखुलेका १ जनामा पनि संक्रमण देखिएको छ ।
यस्तै कञ्चनपुरको भिमदत्तका ६ जना, बेतकोटका ४जना, पुर्नवासका २जना, बेलडाडीका एक जना र बझाङका एक जनामा पनि संक्रमण पुष्टि भएको सूचना अधिकारी श्रेष्ठले जानकारी दिए । डडेल्धुरा अस्पतालको प्रयोगशालामा गरिएको परिक्षणमा थप १७ जना,बैतडी अस्पतालको प्रयोगशालामा १३ जना, कमल बजारको प्रयोगशालामा ७ जना, डोटी अस्पतालको प्रयोगशालामा २ जनामा संक्रमण पुष्टि भएको सामाजीक मन्त्रालयलले जनाएको छ ।
यो योसंगै सुदूरपश्चिममा कोरोना संक्रमितको संख्या १० हजार ९ सय २० पुगेको छ । संक्रमण पुष्टि भएका ९ हजार १ सय ३८ जना डिस्चार्ज भएका छन भने हाल सम्म ३५ जना संक्रमितको मृत्यु भएको छ ।
