धनगढीमा आज साँझ बसले मोटरसाइकललाई ठक्कर दिंदा मोटरसाइकलमा सवार एक युवतीको ज्यान गएको छ ।
जिल्ला प्रहरी कार्यालय कैलालीका अनुसार धनगढीबाट बेलौरीतर्फ जाँदै गरेको ना ५ ख ८९३२ नम्बरको बसले मोटरसाइकललाई ठक्कर दिएको हो । ठक्करबाट घाइते २१ वर्षीया तुलसी पौडेलको उपचारको क्रममा नवजीवन अस्पतालमा ज्यान गएको छ ।
मृतक बर्दियाको ठाकुरबाबा नगरपालिका–२ की हुन । मोटरसाइकल चालक २१ वर्षीय मदन ढकाल भने घाइते भएका छन् । उनी सुर्खेतको वीरेन्द्रनगरपालिका–११ का रहेका जनाइएको छ । ठक्कर दिने चालक र बसलाई प्रहरीले नियन्त्रणमा लिएको छ ।
