२० असार, काठमाडौं । अल्भारो मोराटाको दुई गोल मद्दतमा एट्लेटिको मड्रिडले स्पानिस ला लिगामा मालोर्का विरुद्ध सहज जित हात पारेको छ ।
गएराति भएको लिगाको एक मात्र खेलमा एट्लेटिकोले मालोर्कालाई ३-० ले पराजित गरेको हो । एट्लेटिकोका लागि अर्को गोल कोकेले गरे ।
घरेलु मैदानमा मोराटाले २९औं मिनेटमा पेनाल्टीमार्फ पहिलो गोल गरेका थिए । मोराटाले नै पहिलो हाफको इन्जुरी टाइमामा व्यक्तिगत दोस्रो गोल गर्दा एट्लेटिकोले अग्रता दोब्बर बनायो । ७९औं मिनेटमा कोकेले गोल गरेपछि एट्लेटिकोले ३-० को सहज जित हात पारेको हो ।
जितपछि ३३ खेलबाट ६४ अंक जोड्दै एट्लेटिको तेस्रो स्थानमा छ । ३२ खेलबाट ७४ अंक जोडेको रियल मड्रिड शीर्ष स्थानमा छ भने ७० अंकसहित बार्सिलोना दोस्रो स्थानमा छ ।
