एजेन्सी–विश्वभर कोरोना संक्रमितको संख्या २ करोड ३३ लाख पुगेको छ।जोन्स हप्किन्स विश्वविद्यालयको पछिल्लो तथ्यांकअनुसार संक्रमितको संख्या २ करोड ३३ लाख १८ हजार ४ सय १५ पुगेको हो।
हालसम्म ८ लाख ६ हजार ६ सय ३० जनाको मृत्यु भइसकेको छ भने १ करोड ५० लाख २७ हजार ६ सय ६२ जना निको भएका छन्।
अमेरिकामा ५६ लाख ९९ हजार ८ सय ४ जना संक्रमित भएका छन् भने १ लाख ७६ लाख ७ सय ६५ जनाको मृत्यु भएको छ।
यस्तै, ब्राजिलमा ३५ लाख ८२ हजार ३ सय ६२ संक्रमित र १ लाख १४ हजार २ सय ५० को मृत्यु, भारतमा ३० लाख ४४ हजार ९ सय ४० संक्रमित र ५६ हजार ७ सय ६ को मृत्यु, रुसमा ९ लाख ५४ हजार ३ सय २८ संक्रमित र १६ हजार ३ सय ४१ जनाको मृत्यु भएको छ।
यस्तै, मेक्सिकोमा मृतकको संख्या ६० हजार २ सय ५४ पुगेको छ भने त्यहाँ ५लाख ३३ हजार १ सय ३ जना संक्रमित छन्।
