डडेल्धुरा(दिपकराज भट्ट)- डडेल्धुराको भागेश्वर गाउँपालिकाले पशुपंक्षी तथा बाली बिमा सम्बन्धि सचेतना दिदै आएकोछ । पशु शाखा भागेश्वरको आयोजनामा पालिकाका पाचै वडामा सचेतना दिन लागेको पशु शाखा प्रमुख मोहन शार्किले बताउनुभयो । कार्यक्रममा आज पालिकाको वडा नंम्बर ४ बाट कार्यक्रमको सुरुवात गरिएको र पाचै वडामा कार्यक्रम गरिने शार्किले बताएका हुन् ।पछिल्लो समयमा आम किसानहरु लाई बिमा सँग जोडनुका लागि कार्यक्रम आयोजना गरिएको हो । कार्यक्रममा पशुपंषी तथा बाली बिमाका सम्बन्धमा अन्र्तकिृया गरिएको हो ।
कार्यक्रममा बिमा अभिकर्ताहरुले बिमाका सम्बन्धमा प्रशिक्षण दिएका हुन् । पछिल्लो समयमा पशुपंक्षी तथा बालीको बीमा गर्ने किसानहरुको बढने क्रममा क्रमममा रहेको शिखर ईन्सुरेन्स डडेल्धुराका प्रमुख टेक बिष्टले बताएका छन् ।
बीमाले किसानहरुको नोक्सानी भएमा राहत हुने भएकाले सबै किसानले बीमा गर्नुपर्नेमा बिष्टले जोड दिएका छन् ।
भागेश्वर गाउँपालिका फलफुल तथा बाख्रा पालनमा अगाडि रहेकोछ ।
https://www.facebook.com/khabardarinews/posts/pfbid033ovhrFXTovwRWWoV7QgzkvgkfaTxY6SGntT1dKt1tZkuiQMaf9zriCZ9nuqjekqol
