डडेल्धुराः रुपन्देहीमा एक जना प्रहरी हवल्दार मृत फेला परेका छन् । डडेल्धुराको भातकाडा प्रहरी चौकीमा कार्यरत एक प्रहरी हवल्दार रुपन्देहीमा मृत अवस्थामा फेला परेका हुन् । कैलालीको लम्कीचुहा नगरपालिका–६ का भुपेन्द्र ठकुल्लालाई माघ २९ गते बुटवल उपमहानगरपालिका–७ स्थित शिवनगर सामुदायिक वनमा प्रहरीले मृत अवस्थामा फेला पारेको थियो ।
एक्लै यात्रा गर्ने क्रममा गाडीबाट झरेका उनी जंगलमा खान नपाएर उनको मृत्यु भएको हुनसक्ने प्रहरीको अनुमान छ । मृतक ठकुल्लाको उनका दाइ लाल ठकुल्लाले सनाखत गरि शव बुझि सकेको जिल्ला प्रहरी कार्यालय रुपन्देहीले जनाएको छ ।
