हामी,
भित्र रोइरहेको
हाम्रो काम गराइको कुरुपताले हो । 
हामी,
बाहिर हाँसिरहेको
नेपालको प्राकृतिक छटा
एवं सुन्दरताले हो ।।
ए औषधि पसलेहरू हो
तिमीहरूले
बाहिर हाँस्ने औसधि त
खूब बेचिरहेका छौ
त्यसका लागि
लाखलाख धन्यवाद ।
तर,
यहाँका मानिसलाई त
भित्र रुने रोगले पो
सताइरहेको छ नि
त्यसको निधानतर्फ पनि केही गर ।।
उद्योगीहरूलाई
भित्र हाँस्ने
औसधि उत्पादनका लागि
अपिल गर ।
अनि,
तिमी पनि भित्र हाँस्ने
औसधि बेच्न थाल
भित्रबाहिर जताततै
आफूपनि हाँस
अरूलाई पनि हँसाऊ
तिमी पनि हाँस
हामीलाई पनि हसाऊ
सामाजिक बगैंचालाई
हराभरा पार
यत्रतत्र सजाऊ
बाहिरिनेलाई यहीँ बसाऊ
य औसधि पसलेहरू हो ।
गणेश राज वस्थी
(नेपाल सरकारका सह सचिव)
