अछाममा बाढीले बगाउँदा वेपत्ता भएका थप एकजनाको शव भेटिएको छ।गत मंगलबार राती अविरल वर्षासँगै कैलाश खोलामा आएको बाढीले बगाएका रामारोशन गाउँपालिका ५ का १९ वर्षीय रुपेश साउँदको शव भेटिएको प्रहरीले जनाएको छ।
जिल्ला प्रहरी कार्यालय अछामका अनुसार उनको शव रामारोशन गाउँपालिका वडा नम्बर ५ र ६ जोड्ने झोलुङ्गे पुल नजिककैको बगरमा फेला परेको हो। शव शनिबार नै आफन्तले बुझेका छन्।
बाढीमा बगेका वडा नम्बर ५ सैनीबजारका १० जना अझै फेला परेका छैनन्। मंगलबार रातिको बाढीले सैनीबजारका २२ घर बगाउँदा चार परिवारका १७ जना बेपत्ता भएका थिए।
बुधबार ६ जना र शनिबार एक गरी ७ जनाको शव भेटिए पनि अझै १० जना बेपत्ता रहेका छन्।
