काठमाडौं – लोक सेवा आयोगले परीक्षामा इयरफोन प्रयोग गरेर चिट चोरेको फेला पारेपछि एक परीक्षार्थीको सबै परीक्षा रद्द गरेको छ । मंसिर १० गते नेपाल इन्जिनियरिङ सेवा, सर्भे समूह रा.प. अनंकित द्वितीय श्रेणी अमिनको जाँच दिन गएका रुकुम पश्चिमका दीपक नेपालीको सबै परीक्षा रद्द भएकाे हो ।
“निजले परीक्षाको मर्यादा विपरीत दाहिने कानमा इयरफोन लगाई मोबाइलबाट सम्पर्क गरी उत्तर लेखेको स्वीकार गरेको,” आयोगले जारी गरेको सूचनामा लेखिएको छ ।
