कञ्चनपुरः कृष्णपुर नगरपालिकामा “प्रथम वडाध्यक्ष कप फुटबल प्रतियोगिता” सञ्चालन हुने भएको छ । वडा नम्बर २ ले आयोजना गरेको फुटबल प्रतियोगिता यही मंसिर ३० गते बाट मछेली खेलमैदानमा सञ्चालन हुने भएको हो ।
प्रतियोगितामा प्रथम हुने टिमले नगद रु ७५ हजार,प्रमाणपत्र, मेडल र ट्रफी प्राप्त गर्नेछ भने द्वितीय टिमले नगद रु ४१ हजार, प्रमाणपत्र, मेडल र ट्रफी प्राप्त गर्नेछ ।
त्यस्तै खेलमा उत्कृष्ट प्रदर्शन गर्ने खेलाडीहरुलाई पुरस्कारको व्यवस्था रहेको आयोजकले जनाएको छ । प्रत्येक खेलमा म्यान अफ द म्याचको पुरस्कार समेत रहेको छ । वडाका युवाहरुलाई खेलकुदको माध्यमबाट सामाजिक क्षेत्रमा सक्रिय राख्दै खेलाडीहरुको हौसला र प्रोत्साहनका लागि फुटबल प्रतियोगिता आयोजना गरिएको वडाध्यक्ष अर्जुन साउँदले बताए ।
वडाध्यक्ष साउँदले निरन्तर खेलकुद प्रतियोगिताहरु सञ्चालन गर्न वडा कार्यालय प्रतिबद्ध रहेको बताए । प्रतियोगितामा कृष्णपुरका ९ वटै वडाको सहभागिता रहने छ । छिमेकी पालिकाका वडाले पनि सहभागिता रहने छ ।
