कैलाली, ३० असोज । कैलालीको गेटामा भोलीदेखि १०० शैय्याको अस्पताल संचालनमा आउने भएको छ । मेडिकल कलेज, स्वास्थ्य विज्ञान प्रतिष्ठानपछि विश्वविद्यालय घोषणा गरिएको कैलालीको गेटामा बुधबारदेखि अस्पातल सञ्चालन आउन लागेको हो ।
गेटा अस्पतालका निर्देशक डा. प्रमोद जोशीले आज आयोजित पत्रकार सम्मेलनमा कात्तिक १ गतेदेखि सामान्य सुविधासहित एक सय शैय्याको अस्पताल सञ्चालन हुन लागेको जानकारी दिएका हुन् । जनरल ओपीडी सेवा, हाडजोर्नी तथा नशा रोग, स्त्री रोग, जनरल सर्जरी, अल्ट्रासाउन्ड सेवा, एक्सरे सेवा, प्रयोगशाला र फार्मेसी सेवासहितको अस्पताल सञ्चालन हुने डा। जोशीले बताए ।
हाललाई ११ जना विशेषज्ञ चिकित्सकसहित सेवा सुरु भए पनि आगामी वैशाख महिनाभित्र थप सात वटा विशेषज्ञ सेवा थप गरिने निर्देशक जोशीले बताए । सरकारले मेडिकल कलेज स्थापनाका लागि भौतिक पूर्वाधार निर्माण गरेपछि सरकारले गत पुसमा विश्वविद्यालय स्थापना गर्ने निर्णय गरेको थियो ।
