डडेल्धुराः शिखर डेन्टल केयर डडेल्धुरामा ग्लोबल आइएमई बैंक डडेल्धुरा शाखाका ग्रहाकहरुलाई छुट व्यवस्था रहेको छ । ग्लोबल आइएमई बैंकका ग्राहकहरुलाई डडेलधुरामा रहेको शिखर डेन्टल केयरमा विशेष छुट सुविधा उपलब्ध हुने भएको छ । आज दुबै पक्षले सम्झौता गरेका छन् । छुट उपलब्ध गराउने सम्बन्धी सम्झौता पत्रमा बैंक तर्फबाट शाखा प्रबन्धक प्रकाश भट्ट र डेन्टल केयर को तर्फबाट व्यवस्थापक मोहन देउबाले आज हस्ताक्षर गर्नु भएको छ । यो सम्झौता सँगै बैंकका ग्राहकहरुले दात सम्बन्धी जुनसुकै किसिमको उपचारमा पनि २० प्रतिसत सुविधा पाउन सक्ने छन् । उक्त छुट सुविधा पाउन सेवाग्राही सँग बैंकको एटिएम कार्ड हुनुपर्नेछ । यस्ता किसिमका सम्झौताले ग्राहकलाई थप लाभ हुने बैंकले विश्वास लिएको छ ।
