काठमाडौँ: नेकपा (एमाले) का उपाध्यक्ष तथा संविधानसभा अध्यक्ष सुवास नेम्वाङको निधनको शोकमा सरकारले भोलि (बिहीवार) सार्वजनिक बिदा दिएको छ। मंगलवार गृह मन्त्रालयले सूचना प्रकाशित गरी भोलि बिहीवार बिदा हुने जनाएको हो।
वर्तमान प्रतिनिधिसभा सदस्यसमेत रहेका नेम्वाङको ७१ वर्षको उमेरमा मंगलवार बिहान असामयिक निधन भएको थियो। त्यो दिन सरकारले नेपालभरका सबै सरकारी कार्यालय, विदेशस्थित नेपाली दूतावास र नियोगमा बिदा दिने र तत्तत् निकायका कार्यालयमा राष्ट्रिय झण्डा आधा झुकाउने भएको छ।
