डडेल्धुराः डडेल्धुरा प्रहरी प्रमुखका रूपमा दीपक कुमार कार्की आएका छन् । प्रहरी प्रधान कार्यालयले सरुवा गरेपछि प्रहरी नायब उपरीक्षक (डिएसपी) कार्की जिल्ला प्रहरी कार्यालयमा हाजिर भएका हुन् । कार्यालय प्रमुखको जिम्मेवारी सम्हाल्दै डिएसपी कार्कीले नागरिकलाई शान्तिसुरक्षा प्रदान गर्नमा कुनै कसर बाँकी नराख्ने दाबी गरेका छन् । बुधबार जिल्ला प्रहरी कार्यालय डडेल्धुरामा आयोजित पत्रकार संगको अन्तरक्रिया तथा परिचयात्मक कार्यक्रममा बोल्दै डिएसपी कार्कीले भने, ‘केही गर्नका लागि यहाँ आएको हुँ । सबैलाई साथ र सहयोगका लागि आग्रह गर्दछु ।’कार्कीले जिल्लामा लागूऔषध नियन्त्रणका लागि विशेष अभियान थाल्ने पनि बताएका छन्।
