अछाम-जिल्लाको बयालपाटा अस्पताल अछामका १९ जना स्वास्थ्यकर्मीलाई काेराेना संक्रमण देखिएकाे छ।
एक साता अघि एकजना स्वास्थ्यकर्मीलाई संक्रमण देखिएपछि ६२ जनाकाे कन्ट्याक्ट् ट्रेसिङ गर्दा थप १८ जनालाई संक्रमण देखिएकाे हाे।
अस्पतालका प्रमुख डा विकास गाैचनका अनुसार आइतबार नमुना संकलन गरि पठाइएकाे थियाे। त्यसकाे रिपोर्ट आज मात्र आएकाे हाे।
एकसाता अघि संक्रमण देखिएका स्वास्थ्यकर्मीकाे पनि पुनः परीक्षण पाेजिटिभ आएकाे छ भने आइसाेलेनमा दुईसाता अघि संक्रमण भएर अस्पताल भर्ना भएका २ जना गर्भवतीकाे पनि पुन: परीक्षण रिपोर्ट पाेजिटिभ आएकाे छ।
अछाममा पिसिआर ल्याब नभएकाले परीक्षणका लागि नमुना धनगढी वा डडेलधुरा पठाउनुपर्ने बाध्यता भएकाे डा गाैचनले बताए।
उनका अनुसार अस्पतालका नर्स, डाक्टर, ल्याब, एक्सरेका कर्मचारीलाई संक्रमण देखिएकाे छ।
