धनगढी- नेपालमा आज थप आठ सय ३८ जनामा कोरोना पुष्टि भएको छ। स्वास्थ्य तथा जनसंख्या मन्त्रालयले पछिल्लो २४ घण्टामा देशभर भएको परीक्षणमा आठ सय ३८ जनामा कोरोना पुष्टि भएको जनाएको छ।
मन्त्रालयका प्रवक्ता डाक्टर जागेश्वर प्रसाद गौतमले पाँच सय ४६ पुरुष छन् र दुई सय ९२ महिलामा कोरोना पुष्टि भएको बताए।
योसँगै नेपालमा संक्रमितको संख्या ३० हजार चार सय ८३ पुगेको छ। बितेको २४ घण्टामा दुई सय ५० जना कोरोनाबाट निको भइ घर फर्किका छन्।
योसँगै निको हुनेको संख्या १८ हजार २ सय १४ पुगेको छ।
