डडेल्धुरा- धनगढी राष्ट्रिय स्वतन्त्र पार्टीका सभापति रवी लामिछानेले डडेल्धुराका जनता परिवर्तनका लागि तयार भएको बताएका छन् । बिहिवार कांग्रेस सभापति शेरबहादुर देउवाको गृहजिल्लामा रास्वपाको जनसभा सम्बोधन गर्दै लामिछानेले डडेल्धुरा परिवर्तन हुन्छ भने देश परिवर्तन हुने बताएका हुन् ।
‘डडेल्धुरा परिवर्तनका तयार भएको छ जब डडेल्धुरा परिवर्तन हुन्छ भने देश परिवर्तन भएरै छोडछ । डडेल्धुरा घण्टी बजाएरै छोडछ ।’ ‘ सभाको आयोजना सुरुवात गरेका हौं’ लामिछाने भने ।
सभापति लामिछानेले २०८४ सालको निर्वाचनमा रास्वपाले डडेल्धुराको भविष्य निर्माण गर्ने व्यक्ति डडेल्धुरा उठाउने बताए । २०७९ सालको प्रतिनिधिसभाको चुनावमा कांग्रेस सभापति शेरबहादुर देउवाविरुद्ध स्वतन्त्रबाट प्रतिस्पर्धा गरेका सागर ढकाललाई रास्वपाले समर्थन गरेको थियो ।
देउवा डडेल्धुराबाट २०४८ सालदेखि लगातार चुनाव जित्दै आएका छन्। २०४८, २०५१, २०५६, २०६४, २०७०, २०७४ र २०७९ सालको निर्वाचन गरी लगातार ७ पटक चुनाव जितेका छन् ।
