डडेल्धुरा सदरमुकाम सडक विस्तारः मुआब्जाका लागि सरकारले पठायो थप ३० करोड रुपैया
डडेल्धुरा – डडेल्धुरा जिल्ला सदरमुकामै रहेको बागबजार किर्तिपुर सड्कले विगतका दिनमा साघुरो रहेको थियो । जसले गर्दा गाडि आवतजावतमै समस्या हुने गथ्र्येा । सडका ठुला गाडिहरु आएमा जाम दिनहु देख्न सकन्थियो अब यो समस्या समाधान हुने भएकोछ । डडेल्धुरा सडक फराकिलो भएपछि स्थानीय खुशी भएका छन् । डडेल्धुराको यस सडक खण्डको बागबजार देखि बाणिज्य बैंक सम्मको सडक पहिलो चरणमा फराकिलो हुने काम अहिले भईरहेको छ भने त्यस अघि बैतीडि तिरको सडक फराकिलो गर्नका लागि थप ३० करोड रकम पुन रकमान्तरण गरेको छ ।
यसअघि सडक क्षेत्रमा पर्ने जग्गा र घरको मुआब्जाकै लागि २० करोड बजेट पठाइएकोमा सोही प्रयोजनका लागि थप ३० करोड बजेट पठाइएको हो ।
महाकाली राजमार्गको बागबजारदेखि उग्रतारा सडकखण्डको मुआब्जा र क्षतिपूर्तिका लागि ३० करोड बजेट सडक डिभिजन कार्यालय कुलपाते डोटीलाई पठाइएको अमरगढी नगरपालिकाका मेयर डिल्लीराज जोशीले जानकारी दिए ।
अर्थ मन्त्रालयले महालेखा परीक्षकको कार्यालयलाई पत्र लेख्दै रकमान्तर स्वीकृत गरेपछि सडक डिभिजन कार्यालय कुलपाते डोटीलाई ३० करोड प्राप्त भएको कार्यालय प्रमुख दीपक झाले जानकारी दिए । उनका अनुसार अब प्रमुख जिल्ला अधिकारीको संयोजकत्वमा रहेको मुआब्जा निर्धारण समितिको बैठक बसेर प्रक्रिया अगाडि बढाइने छ ।
मुआब्जाका लागि ८४ करोड बजेट आवश्यक रहेकोमा अहिलेसम्म दुई किस्तामा ५० करोड बजेट आएको छ । पहिलो किस्तामा आएको २० करोड मुआब्जा रकम वितरणको काम अन्तिम चरणमा पुगेको सडक डिभिजन कार्यालय कुलपातेका प्रमुख झाले बताए ।
