बझाङ : लगातारको बर्षा संगै बुङगल नगरपालीका वडा नं ५ मिडीमा गयराती पहिरो गएको छ।
पहिरोमा परि चार जना घाईते भएका छन भने २ जना बेपत्ता भयका छन्। घरमाथि बाट आएको पहिरोले स्थानिय प्रताप ताम्राकारको घर बगाएको छ।
नेपाल प्रहरी र स्थानियको सहयोगमा पहिरोमा परि पुरिएका तीन जनाको उद्धार गरिएको छ भने दुई जना बेपत्ता छन्।
पहिरोमा परेर ४० बर्षिया पिपला ताम्राकार, १८ बर्षकी छोरी सुनिता र १२ बर्षकी टिन्टी ताम्राकार र १६ बर्षका अनिल ताम्राकार घाईते भएका छन्। घाईते चारै जनाको खिरातडी स्वास्थ्य चौकीमा उपचार भईरहेको छ।
१४ बर्षका छोरा सचिन ताम्राकार र बुङ्गल नगरपालिका वडा नम्बर ४ तिर्थबगर बस्ने दमन ओखेडाका ५ बर्षका छोरा सुदिप ओखेडा बेपत्ता छन्।
दुबै जनाको खोजि कार्य भईरहेको जिल्ला प्रहरी कार्यालय बझाङका डिएसपि गणेश बमले बताए। पहिरोका कारण १५ घर उच्च जोखिममा रहेको स्थानिय सुरेश कुवँरले बताए।
