महेन्द्रनगर । कञ्चनपुरमा सलह किराको झुण्ड देखा परेको छ । बिहीबार अपरान्हदेखि पुनर्बास नगरपालिका– ११, विकास बस्ती क्षेत्र आसपासमा ठूलो संख्यामा सलहको झुण्ड देखा परेको हो ।
सलहबारे यथार्थ विवरण संकलनका लागि कृषि ज्ञान केन्द्र कञ्चनपुरको टोलीलाई विकास बस्ती पठाइएको जिल्ला प्रशासन कार्यालय कञ्चनपुरले जनाएको छ ।
सलहको समूह हाल विकास बस्तीबाट पश्चिमी दिशातर्फ अगाडि बढेको सूचना प्राप्त भएकोले सबै कृषक तथा आम सर्वसाधारणलाई सतर्क रहन जिल्ला प्रशासन कार्यालयले अनुरोध गरेको छ ।
