डडेल्धुराः डडेल्धुरामा आज शहिद दिवसको अवसरमा वास नेपाल डडेल्धुराले रक्दान गरेकोछ भने स्वतन्त्र यूवा समाज डडेल्धुराले बजार सफाई कार्यक्रम गरेको छ भने नेविसंघ डडेल्धुराले सहिदहरु प्रति मल्यार्पण गरि सम्मान गरेकोछ ।
बागेश्वरी असल शासन क्लव (बास) नेपालको आयोजना तथा रेडक्रस डडेल्धुराको समन्वयमा सोमबार रक्तदान गरिएको हो । शहिद दिवसको अवसर पारेर (बास) नेपालले देशैभरी रक्तदान कार्यक्रमको आयोजना गरेकाले डडेल्धुरामा पनि सोहि कार्यक्रम अन्र्तगत रक्तदान गरिएको (बास) नेपाल जिल्ला शाखा डडेल्धुराका अध्यक्ष अनुप बिक्रम मल्लले बताए । नागरिकहरुले रगतका लागि समय–समयमा भोगिरहेको समस्यालाई मध्यनजर गर्दै रगतको समस्या भोग्न नपरोस भन्ने उद्धेश्यले रक्तदान कार्यक्रमको आयोजना गरिएको बास नेपालले जनाएको छ ।
डडेल्धुरा बजार सफाई कार्यक्रम
आज सशिद दिवशको अवसरमा डडेल्धुरामा रहेका स्वतन्त्र यूवा समाजले बसपार्क सरसफाई कार्यक्रम गरेको छ । कार्यक्रममा स्थानीय व्यापारी, नागरिकहरुको सहभागिता रहेको थियो । कार्यक्रम बाट हामीले सरसफाई सम्बन्धि सन्देश दिन खोजेका आयोजकले बताएकोछ ।
नेविसंघ द्धारा शहिदहरु प्रति मल्यार्णमण
डडेल्धुरामा रहेको नेविसंघले आज शहिद दिवशको अवसरमा शहिदहरु लाई मल्यार्णमण सहित सम्मान गरेकोछ । यस्तै कार्यक्रममा नेविसंघका जिल्ला अध्यक्ष पवन ऐर लाई बधाई तथा सम्मान कार्यक्रम पनि गरेकोछ ।
