डोटी । डोटीमा कोरोना परीक्षण गर्ने पिसिआर मेसिन जडान गरिएको छ ।आइतबार जिल्ला अस्पताल डोटीमा मेसिन जडान गरिएको हो ।
सुदूरपश्चिम प्रदेश सामाजिक विकास मन्त्रालयको सहयोगमा जडान गरिएको पिसिआर मेसिन मंगलबार बिहान ८ बजे सुदूरपश्चिम प्रदेशका मूख्यमन्त्री त्रिलोचन भट्टले उदघाटन गर्ने कार्यक्रम तय भएको जिल्ला अस्पताल व्यवस्थापन समितिका अध्यक्ष यज्ञराज जोशीले बताए ।
उत्त जडान गरिएको मेसिनको परीक्षण नतिजाको सहिमापन जाँचका लागि सेती अञ्चल अस्पताल र डडेल्धुरामा परीक्षण भइसकेका १०–१० वटा पोजेटिभ र नेगेटिभ नतिजाका स्वावहरु सोमबार परीक्षण गरिने बायो मेडिकल इन्जिनियर जय साउँदले जानकारी दिए।
गत चैत १५ गते सुदूरपश्चिम प्रदेश सरकार मन्त्री परिषदको निर्णय अनुसार डोटी, बैतडी र कैलालीमा पिसिआर मसिन सहितको प्रयोगशाला बनाउने निर्णय भएको थियो ।
