शनिदेव निमार्ण सेवा प्रा.ली. को लापरवाहि
डडेल्धुरा ः भागेश्वर गाउँपालिकाको मुख्य सडक डडेल्धुरा–सिराड–रुपाल सडकको बिरादे–बगरकोट–सिराड सडक खण्ड कालोपत्रे गर्न २०७६ असार ३० गते शनिदेव निर्माण कम्पनी संग सम्झौता गरिएको थियो । २०७८ पुस ३० गते कालोपत्रे गरिसक्ने गरि २४ करोड १८ लाख ९५ हजार रकम लागतमा निर्माण कम्पनी संग सम्झौता भएको थियो । तर काम भने एक वर्ष ढिलाहुदा पनि सम्पन्न भएको छैन । ९ किलोमिटर सडक कालोपत्रे गर्न भएको सम्भौता अनुसार गत असार मसान्त सम्म निर्माण कम्पनीले ४ करोड १० लाख ७७ हजार रुपियाँ मात्रै खर्च गरेको छ । निर्माणको काम सम्पन्न गर्न एक वर्ष म्याद थप गरेपनि काम सम्पन्न नगरिदा पुनः म्याद थपको तयारीमा निर्माण कम्पनी रहेको छ ।
