दार्चुला – दार्चुलामा आज बेलुकीदेखि मतगणना सुरु गर्ने तयारी गरिएको छ । जिल्लाका १३९ मतदान केन्द्रको मतपेटिका मतगणना स्थल महेन्द्र नमुना माविमा आइपुगेकाले बेलुकीदेखि मतगणना सुरु गर्ने तयारी गरिएको मुख्य निर्वाचन अधिकृत खेमराज भट्टले जानकारी दिनुभयो । अहिले सम्म जिल्लाको ब्यास गाउँपालिका वडा नम्बर २ दुम्लिङ, माल, राप्ला र वडा नम्बर ३ को सिना क्षेत्रको मतपेटिका मतगणना स्थलसम्म ल्याइसकिएको छैन ।
बेलुकासम्म सबै मतपेटिकाहरू जिल्ला सदरमुकाम ल्याइसक्ने भएकाले बेलुकीदेखि नै मतगणना सुरु गर्ने तयारी छ । दार्चुलामा ६५ प्रतिशत मत खसेको छ । जिल्लाभर ८९ हजार १५४ जना मतदाता रहेको निर्वाचन अधिकृतको कार्यालयले जनाएको छ । स्वतन्त्रसहित १८ उम्मेदवार चुनावी मैदानमा छन् ।
