डडेल्धुरा – समुदाय स्तरमा पनि कोरोना भाईरस परिक्षण गरिन थालीएको छ ।
पछिल्लो समय समुदायमा कोरोना भाईरस फैईलीदै गएपछि डडेल्धुराको सदरमुकाम बजार क्षेत्रका नागरिकको कोरोना परिक्षण गरिन थालेको जिल्ला प्रहरि कार्यालय डडेल्धुराले जनायो ।
अमरगढी नगरपालिकाका सवारी चालक, सहचालक, होटेल संचालक, कर्मचारी, व्यापारीहरु खुद्रा व्यवसायी लगायत मजदुरहरुको पिसिआर टेस्टका लागि स्वाब संकलन भैरहेको छ ।
पिसिआर टेस्टका लागि बागबजार क्षेत्रबाट शुक्रबार ७७ जनाको स्वाब संकलन गरि डडेल्धुरा अस्पताल पाठाईएकोे जिल्ला प्रहरि कार्यालय डडेल्धुराले जानकारी दियो । चाड पर्व नजीकीदै गए सँगै बजारमा किनमेल गर्नेहरुको चाप बढ्दै गए पछि कोरोना सर्नसक्ने भएकाले व्यापारी लगायत सवारी चालकहरुको कोरोना परिक्षण प्रक्रिया थालीएको हो । स्वाब संकलन गरिएकाहरुको दुई तीन दिनमा रिर्पोट आउने प्रहरि कार्यालयले जनाएको छ ।
केहिदिन अगाडी मात्रै डडेल्धुरा जिल्ला भित्रका सबै प्रहरीहरुको कोरोना परिक्षण गरिएको थियो सबैको रिर्पोट नेगेटिभ आएको थियो ।