डडेल्धुरा ः नेकपा (माओवादी केन्द्र) डडेल्धुराका अध्यक्ष उपेशप्रसाद भट्ट ‘विकास’ ले आगामी मंसिर ४ मा हुने प्रतिनिधि सभा तथा प्रदेशसभाको चुनावमा डडेल्धुरामा सिङ्गल लड्न तयार रहेको बताएका छन्। उनले पार्टीभित्र र गठबन्धनका दलबिच आगामी चुनाव बारे छ्लफल भैरहेको छ । केन्द्रको निर्णयपछि जिल्लामा अघि बढ्ने बताए । उनले भने,
‘केन्द्रको निर्णयकोप्रतिक्षामा छौं , अहिले केन्द्रियस्तरमा गठबन्धन गरेर अघि बढ्ने सहमति भएको छ । पार्टीको बिधी बिधानललाई मानेर जिल्ला कमिटी अघि बढ्छ। डडेल्धुरा सिङल लड्न पनि तयार रहेको छ ।’
हिजोमात्रै कांग्रेसले डडेल्धुराले डडेल्धुरामा गठबन्धन नगर्ने निर्णय गरेको छ । शुक्रबार डडेल्धुरा कांग्रेसको कार्यसमिति बैठकले गठबन्धन नगर्ने निर्णय गरेको थियो ।
