पछिल्लो स्थानिय निर्वाचनमा अप्रत्यासित रुपमा विजयी भएर चर्चामा आएका धरान उप महानगरपालिकाका प्रमुख हर्क साम्पांगले आफनो नेतृत्वको १०० दिनमा धरानमा सम्पन्न एबं सुरुवात भएका विभिन्न कामहरुको विवरण सामाजिक संञ्जाल मार्फत सार्वजनिक गरेका छन् ।
निर्वाचन पश्चातको हनिमुन अवधि भनेर चिनिेने यो १०० दिन भित्र सम्पन्न गरेका कार्यहरु लाई सार्वजनिक गर्ने प्रचलन रहेको छ । प्रमुख हर्क साम्पांगले सामाजिक संञ्जालमा आफुले गरेको कामको विवरण प्रस्तुत गर्दै धरानमा श्रमदान गर्ने संस्कृतिको सुरुवात गरेको, खानेपानीको क्षेत्रमा धेरै काम सुरु गरेको , ६ लाख विरुवा रोपेको , सरसफाईमा देखिने परिवर्तन गरेको, लागु औषधी विरुद्ध अभियानहरु सुरु गरेको लगायत १३ वटा बुदामा आफुले गरेको कामहरुको विवरण प्रस्तुत गरेका छन् ।
