काठमाडौ ः नेपाल टेलिकमको १८औं वार्षिकोत्सवको अवसरमा विभिन्न उपहारहरु दिने नाममा शेयर भएको लिङ्कमा मालवेयर भेटिएको छ ।मेसेन्जर, जीमेल, मोबाइल एसएमएस लगायतका माध्यमबाट आउने यस्ता लिङ्कमा ‘फर्मबुक’ नामको खतरनाक मालवेयर भेटिएको हो ।
साइबर सुरक्षा जानकार विजय लिम्बुका अनुसार यो मालवेलयर रूसी साइबर अपराधीहरुद्वारा नेपाली कोर्पोरेट क्षेत्रलाई लक्षित गरिएको साइबर आक्रमण हो । तर, यस लिङ्क क्लिक गर्ने जो कोही पनि आक्रमणको शिकारमा पर्न सक्छन् ।
एक पटक तपाईंले यो लिङ्कमा क्लिक गरेपछि मालवेयरको फाइल स्वतस् डाउनलोड भएर सक्रिय हुने बताइएको छ । यसले तपाईंको डिभाइसको वेब ब्राउजरमा भएका क्यास डेटा, स्क्रिनशटहरु र की(स्ट्रोक्सहरु लगायत धेरै प्रकारका डेटा चोर्नसक्छ ।
सन् २०१६ मा पहिलो पटक देखिएको यस मालवेयरले संसारमा हुने कुल साइबर आक्रमणमा १६ प्रतिशत भूमिका खेल्ने लिम्बु बताउँछन् । प्रायस् युक्रेन र पूर्वी युरोपमा हुने यस आक्रमण नेपालमा समेत फैलिएको छ । यसबाट बच्न यस्ता शंकास्पद लिङ्क क्लिक नगर्नु नै उत्तम उपाय हो ।यदि गल्तिवश क्लिक गरिहाल्नुभयो भने तत्काल आफ्नो सोसल मिडिया, वित्तीय संस्थालगायतका अनलाइन अकाउन्टको पासवर्ड परिवर्तन गरी महत्त्वपूर्ण फाइलहरुको ब्याकअप राखेर डिभाइस रिसेट गर्नुहोस् ।
