डडेल्धुरा जिल्ला सदरमुकाम शिक्षक अनुमति पत्रको परीक्षार्थीहरुले भरिभराउ भएको छ । शिक्षक सेवा आयोगले साउन २८ गते निम्न माध्यमिक तहको अध्यापन अनुमतिपत्र (लाइसेन्स)को परीक्षा सञ्चालन गर्दैछ । त्यसका लागि सुदूरपश्चिम प्रदेशमा डडेल्धुरा संगै कैलाली र कञ्चनपुरका विद्यालयलाई केन्द्र तोकिएको छ । डडेल्धुराका १२ वटा केन्द्रमा ३ हजार २४७ जना परीक्षार्थीले लाइसेन्सको परीक्षा दिनेछन ।
होटलका कोठा सबै भरिएपछि बिहिबार साँझ देखि यहाँका सार्वजनिक भवनलाई अतिथिगृह बनाईएका छन । जिल्ला प्रशासन कार्यालय, प्रहरी कार्यालय, स्थानीय सरकार अमरगढी नगरपालिका, उद्योग वाणिज्य संघ, निर्माण व्यवसायी संघ, होटेल व्यवसायी संघ नेपाल पत्रकार महासंघ लगायत बिद्यार्थी संगठनहरुले सार्वजनिक भवनहरुलाई अतिथिगृह बनाएका हुन ।
डडेल्धुरा जिल्ला सदरमुकाममा २८ वटा होटेलका २४६ कोठाहरु रहेको होटल व्यवसायी संघ डडेल्धुरा उपाध्यक्ष दानबहादुर भण्डारी जानकारी दिए । यीकोठाको क्षमता बढीमा एक हजार जना सम्म मात्रै हुने उनले बताए । सबै कोठाहरु भरिए पछि होटेलका सभाकक्षाहरुलाई समेत बास्नका लागि प्रयोग गरिएका छन ।
