डडेल्धुरा— डडेल्धुराको अमरगढी नगरपालिका–१० राईमा जीप दुर्घटना भएको छ।
जिप र्दुघटना हुँदा १० जना घाइते भएका छन्। मंगलबार राइको मोड नजिक से१ ज ४०१ नम्बरको जीप दुर्घटना भएको जिल्ला प्रशरी कार्यालय डडेल्धुराले जनाएको छ ।
नवदुर्गा गाउँपालिका बाट डडेल्धुरा बजार तर्फ आउँदै गरेको जीप अनियन्त्रि भई पल्टिएको हो । घाइतेहरुको डडेल्धुरा अस्पतालमा उपचार भइरहेको छ । घाईते मध्ये ८ जना डिस्चार्ज भइसकेका छन भने २ जनाको उपचार भइरहेको प्रहरीले जनाएको छ।
नवदुर्गा गाउँपालिका–१ की ६० वर्षीया यशोदादेवी ऐर र ५० वर्षीया सीता पार्कीको उपचार भइरहेको छ। जीप चालक नवदुर्गा१ कोटेलीका २८ वर्षीय रामबहादुर ऐरलाई प्रहरीले नियन्त्रणमा लिएको छ।
