बैतडी – बैतडीमा नेपाल टेलिकमको एक टावरको दुर्दशा अहिले सामाजिक सञ्जालमा भाइरल भइरहेको छ । जिल्लाको पुर्चौडी नगरपालिका–५ स्थित दहताल डाँडामा रहेको नेपाल टेलिकमको टावर र सोलार प्यानलमै बालबालिकाहरुले खेल्ने गरेको भेटिएपछि सञ्जालमा भाइरल बनेको हो ।
सो टेलिकमको टावरमा केटाकेटीहरुले चढेको र सोलार प्यानलमै चिप्लेटी खेलेको तस्बिर समेत सार्वजनिक भएको छ ।
लापरवाहीका कारण यस्तो अवस्था आएको त्यहाँका स्थानीयले बताएका छन् । टेलिकमको टावरमा यस्तो गरिनु नराम्रो कार्य भएको स्थानीय विक्रम कुँवरले बताए । सो क्षेत्रमा बादल लागेको बेला टावर काम नगर्ने गरेको उनले बताए ।
सामाजिक संञ्जालमा चर्चा भएपछि भने नेपाल टेलिकम बैतडीका प्रमुख विक्रमराम टमाटाले प्रहरी र स्थानीय सरकारलाइ खबर गरेर टावर र सोलार पातामा खेल्नमा रोक लगाउने बताए ।
घाम नलागेको बेला सोलारले काम नगर्दा टेलिकमको सेवा अवरुद्ध हुने उनले बताए । सो क्षेत्रमा विद्युत नहँुदा समस्या हुने गरेको छ ।
