बैतडी । बैतडीका एक महिला स्वास्थ्यकर्मीमाथि कुटपिट भएको छ । जिल्लाको पुर्चौडी नगरपालिका ३ स्थित न्वादेउ स्वास्थ्यचौकी अन्तर्गतको नकाली नगर स्वास्थ्य केन्द्रमा कार्यरत २५ बर्षीया अनमी जानकी भट्टमाथि कुटपिट भएको हो ।
स्वास्थ्यकेन्द्रमै बिरामीको उपचार गरिरहेका बेला आफूमाथि स्थानीय दुई युवकले कुटपिट गरेको अनमी भट्टले बताइन् । स्थानिय युवाहरु २४ बर्षीय मोहन कुँवर र २१ बर्षीय विरेन्द्र कुँवरले कुटपिट गरेको उनले बताइन् ।
स्थानीय एक बृद्धा बिरामीलाइ स्लाईन चढाइरहेका बेला ती युवकहरुले कुटपिट गरेको अनमी जानकीको भनाई छ । बृद्धा कान नसुन्ने ब्यक्ति रहेकाले ठुलो स्वरले बोल्दा स्वास्थ्यकर्मीले सेवा दिने तरिका यही हो भनेर गालीगलैच गर्दै कुटपिट गरेको उनको आरोप छ ।
ती युवाहरुको कुटपिटबाट जानकीको हातको औला भाचिँएको, मुखमा, छातिमा र टाउकोमा चोट रहेको छ । उनको हाट स्वास्थ्यचौकीमा उपचार भइरहेको छ ।
