पूजाको साथमा पुगेका निर्देशक सुदर्शन थापाले भने–‘यसअगाडिको घटनामा उनी डिप्रेशमा पुगिसकेकी थिइन् । तर, गल्ती आफ्नै हो भनेर सम्हालिने कोशिश गरिरहँदा टेलिभिजनबाट निरन्तर ह्यारेसमेन्ट गर्ने काम भयो । अन्तरवार्ता नदिएकै भरमा कसैमाथि यती तल्लो स्तरमा टिप्पणी गर्न कुन पत्रकार आचारसंहिताले दिन्छ ?’
पूजा आँशु पुछ्दै बोल्ने कोशिशमा थिइन् । सुदर्शन थापा र रविन्द्र खड्का बोलिरहँदा उनको आँखा रसाउन छाडेको थिएन । निरन्तर भोगिरहेको पीडाबाट गुज्रिएकी यी नायिकाको आँखा यसै रसाएको थिएन । सम्हालिदै पूजाले भनिन्–‘जब ममाथि गरिएको भिडियो मैले हेरेँ, मैले एकछिन त केही नै सोच्न सकिनँ । स्कुटी लिएर निस्कदा पनि कहाँ गैरहेकी छु भन्ने थाहा थिएनँ ।’
निरन्तर चलचित्र असफल हुँदा कैयौं पटक रोएकी पूजा पछिल्लो केही बर्षयता बल्ल सफलताको सिढी चढिरहेकी थिइन् । दर्शकको मायाले पूजालाई चलचित्र क्षेत्रमा स्थापित गरिरहेको थियो । तर, लकडाउनको समयमा विभिन्न खालका ट्रोल र आरोपबाट प्रताडित बनेकी यी नायिका त्यसलाई भुलेर अगाडि बढ्दै गर्दा फेरि एकपटक आफ्नो शारीरिक बनावटलाई लिएर गरिएको टिप्पणीले विक्षिप्त छिन् ।
