डडेल्धुरा — नेकपा एकिकृत समाजवादी पार्टी केन्द्रिय अध्यक्ष माधव कुमार नेपाल सहित संघिय सरकारका पर्यटन तथा संस्कृती मन्त्रि प्रेम आले लगायत नेताहरुको टोली बुधबार डडेल्धुरा आउने भएका छन । कार्यकर्ता भेलालाई सम्बोधन गर्न नेता नेपाल सहितको टोली डडेल्धुरा आउन लागेको एकिकृत समाजवादी जिल्ला कार्य समिती डडेल्धुराले जनाएको छ । टोलीमा सुदूरपश्चिम प्रदेश सरकारका भौतिक पूर्वाधार विकास मन्त्रि दिर्घ सोडारी समेत रहेका छन ।
नेता नेपाल सहितको टोली नेपालगञ्ज बाट हेलिकप्टर मार्फत डडेल्धुरा आउन लागेको पत्रकार सम्मेलन मार्फत एकिृकत समाजवादी डडेल्धुरा अध्यक्ष तुलाराम बोहराले जानकारी दिए । मध्यन्ह १२ बजे डडेल्धुरा पुग्ने कार्यक्रम रहेको उनले बताए । अमरगढी नगरपालिका–४ टुडीखेलमा हेलिकप्टर अवतरण गरी जिल्ला सदरमुकाममा कार्यकर्ता भेला सम्बोधनको कार्यक्रम रहेको उनले बताए । नेपाली सहितका नेताहरुले डडेल्धुरामा डेढ घण्टा बिताउने उनले बताए । कार्यकर्ता भेला सम्बोधन संगै सम्भव भए अजयमेरु गाउँपालिका–१ समैजीको पुईलेकमा विमान स्थल निर्माणका लागी सर्वे थालिएको क्षेत्रको समेत अवलोकन गर्ने कार्यक्रम रहेको उनले बताए ।
पर्यटन तथा संस्कृती मन्त्रि आलेले डडेल्धुरामा विमान स्थल निर्माणका लागी पहल कदमी थालेकाले अवलोकन गर्न सक्ने उनको भनाई छ । मन्त्रि आलेले डडेल्धुरामा विमान स्थल बनाई छाड्ने प्रतिबद्धता जाहेर गरेको एकिृत समाजवादीले जनाएको छ । पुईलेकमा विमान स्थल निर्माणका लागी पहिलो पटक सर्वे थालिएको छ । यस अघि उक्त क्षेत्रमा विमान स्थल निर्माणका लागी स्थल छनौट र फिजिविलिटी अध्ययन गरिएको थियो ।
