बैतडी — बैतडी जिल्लाको दशरथचन्द नगरपालिका वडा नम्बर ३ मा बाघले आतंक मच्चाएको छ ।
करिब एक हप्ता देखि बाघले आतङ्क मचाएपछि स्थानिय बासि त्रसित बनेका छन् ।
गाउँमा दिन दहाडै बाघले गाउँमा पसेर पशु चौपाया मारेर खान थालेपछि स्थानीय बासी त्रसित बनेका हुन् ।
जनावर मात्रै नभई मान्छे लाई पनि आक्रमण गर्न सक्ने डरले त्रसित भएको स्थानीयको भनाइ छ ।
बुधबार दशरथचन्द नगरपालिका ३ कन्सना बस्ने कृषक गोपाल नाथको तीन वटा बाख्रा बाघले मारेको थियो ।
करीब ४ दिन अगाडि दनपा ३ बरकुराली बस्ने किसान अन्तराम नाथको एक बाख्रा खाएको थियो ।
यसरी मिहेनत गरी पालेका जीवजन्तु बाघले खाई दिँदा गरीब किसान समस्यामा परेको पीडित किसान बताउँछन् ।
बाघले गरेको क्षतिपूर्तिको लागि पहल गरिदिनुहुन सरोकारवाला निकायसंग पीडित परिवारले माग गरेको जानकारी प्रेस युनियन बैतडी शाखाका कोषाध्यक्ष धन बहादुर क्षेत्री जगदिशले जानकारी दिएका छन् ।
