डडेल्धुरा— डडेल्धुराको भागेश्वर गाउँपालिकाको सचिव पदमा भुवन भाटले उम्मेदवारी घोषणा गरेका छन्। नेपाली काँग्रेस १४ औं महाधिवेशनमा भागेश्वर गाउँ कार्य समितिको सचिव पदमा भाटले उम्मेद्बारी घोषणा गरेका छन् । काँग्रेस सभापति शेर बहादुर देउवाको गृह गाउँपालिकाको पार्टी सचिव पदमा उम्मेदवारी दिएका हुन् ।
‘अग्रजलाई सम्मान, युवालाई अवसर’ भन्ने नारालाई अनुसरण गर्दै आफुले भागेश्वर गाउँ कार्य समितिको सचिवमा उम्मेद्बारी घोषणा गरेको भाटले बताए कांग्रेसलाई सशक्त ढंगले अगाडि बढाउन र आइपर्ने चुनौतिहरुको सामना गर्न युवा वर्गको आवश्यकता रहेको छ । त्यसको लागि युवालाई अगाडि बढाउनु पर्ने उनले बताए ।
पार्टीलाई उर्जा दिन गुटउपगुट भन्दा पनि कार्यकर्ताका भावनालाई समेटेर सहमति, सहकार्य र एकताको आधारमा पार्टीलाई अघि बढाउनु पर्छ । आगामी निर्वाचनमा नेपाली काँग्रेसलाई विजय गराउन र स्थानीय,जिल्लामा काङ्ग्रेस बलियो बनाउन युवाको ठूलो भुमिका रहने पनी भाटले बताए ।
भागेश्वर गाउँ कार्य समितीको प्रथम अधिवेशनमा भागेश्वर गाउ कार्य समितिको सचिव पदमा आफुलाई अत्यधिक मत दिएर बिजय गराईदिन आग्रह गरेका छन् ।
भाट पछिल्लो समयमा सामाजिक कार्यमा अग्रसर रहेका छन् । समाजमा रहेका सम्याहरु लाई केहि हद सम्म भएपनि आफुले सक्दो सहयोग र सामाजिक भावनाका साथ काम गर्ने भाट बताउछन्। साथै पार्टिमा युवा नेतितृवको जरुरि रहेकाले आफ्नो उम्मेदवारी रहेको उनको भनाई छ ।
