काठमाडौं । पछिल्लो दुई दशकमा विश्वका अर्बपतिहरुको संख्या पाँच गुणा भन्दा धेरैले बढ्यो र सबैभन्दा धनी व्यक्तिको सम्पत्ति १ खर्ब डलर नाघ्यो । अर्बपतिहरुको संख्यामा तीव्र वृद्धिसँगै आर्थिक असमानतामा पनि उच्च बढोत्तरी भैरहेको छ जसले पुँजीवाद विरुद्ध आम मानिसहरुबाट चरम असन्तुष्टि र विरोधको खतरा पनि बढीरहेको छ ।
भाइरस संक्रमण बढेसँगै विश्वका केन्द्रीय बैंकहरुले आर्थिक वृद्धिलाई जीवितै राख्नका लागि अर्थतन्त्रमा ९० खर्ब डलर रकम हालिसकेका छन् । यो मध्ये अधिकांस रकम वित्तिय बजारमा गएको छ र त्यहाँबाट अन्ततः त्यो रकम विश्वका ठूला धनाढ्यहरुको सम्पत्तिमा गएर थपिएको छ ।
