दार्चुला – जिल्लामा कोरोना विरुद्धको भेरोसेल खोप लगाउन छुटेका नागरिकलाई पुनः खोप लगाईने भएको छ ।
यही जेठ २७ र २८ गते कोरोनाविरुद्धको भेरोसेल खोप लगाउन छुटेका ५५ वर्ष माथिका नागरिकलाई पुनः खोप लगाइने भएको हो ।
विविध कारणले जिल्लाका ८ वटा स्थानीय तहमा लगाइएको खोप कार्यक्रममा छुटेका ५५ वर्ष माथिका नागरिकलाई पुन खोप लगाइने
स्वास्थ्य कार्यालय दार्चुलाले जनाएको छ ।
कोभिड १९ संकट व्यवस्थापन केन्द्रको बैठकले स्थानीय तहमा ५५ वर्षमाथिका खोप लगाउन छुटेका नागरिकको तथ्यांक तीन दिनभित्र स्वास्थ्य कार्यालयलाई बुझाउनुपर्ने भनेको छ ।
लक्षित समुहलाई खोपबाट वञ्चित हुन नदिन एक पटकका लागी मौका दिने निर्णय गरिएको जनस्वास्थ्य अधिकृत जयराज भट्टले बताए ।
उनले प्रदेश सरकारले उपलब्ध गराएको खोपमध्ये अझै ७ सय डोज खोप मौज्दात रहेकाले छुटेका लक्षित वर्गलाई पुन मौका दिने गरी निर्णय गरिएको बताए ।
जिल्लाका लागि सुदूरपश्चिम प्रदेश सरकारले २ हजार ५५ डोज खोप उपलब्ध गराएको थियो ।
