बैतडी: बैतडीमा कोरोना परिक्षण गर्ने पिसिआर मेसिन पुगेको छ । सुदुरपश्चिम प्रदेश सरकारले बैतडीको लागी खरिद गरेको मेसिन आज ट्रकमार्फत बैतडी पुगेको जिल्ला अस्पताल बैतडीका प्रमुख डाक्टर बशन्त राज जोशीले बताए ।
बैतडी प्रयोगशालाका लागि किनिएको पिसिआर मेसिन आज बैतडी पुगेको हो । सुदूरपश्चिम प्रदेश सरकारको मन्त्रीपरिषदको गत चैत १५ गतेको बैठकको निर्णय अनुसार बैतडीसहित डोटी र धनगढीमा प्रयोगशाला स्थापना गर्ने निर्णय गरेको थियो । सोही निर्णयअनुसार प्रदेशसरकारले तिनवटै स्थानका लागि पिसिआर मेसिन खरिद गरेको थियो ।
बैतडीका लागि मेसिन खरिद गर्ने निर्णय भएपछि बैतडीमा प्रयोगशाला स्थापनाको लागि काम अघि बढाएको थियो । हाल सम्म प्रयोग शालाको लागि भौतिक संरचनाको ६० प्रतिशत बढी काम भएको अस्पताले बताएको छ।
