सुदूरपश्चिम- सुदूरपश्चिम प्रदेशमा मंगलबार २ सय ९३ कोरोना संक्रमित थपिएका छन ।पिसिआर बिधिबाट गरिएको परीक्षणमा २ सय १७ र एन्टिजेन विधिबाट गरिएको परीक्षणमा ७६ जना गरी २ सय ९३ जनामा कोरोना संक्रमण पुष्टि भएको हो ।
मंगलबार पिसिआर बिधिबाट ६ सय २२ र एन्टिजेन विधिबाट ८ सय ९९ नमूनाको कोरोना परिक्षण गरिएको थियो ।यो सँगै प्रदेशमा दुवै विधिबाट गरिएको परिक्षणमा कोरोना संक्रमित संख्या ४१ हजार ८ सय ६९ पुगेको छ ।
जसमध्ये ३१ हजार ६ सय २३ जनाले कोरोना जितेका छन ।स्वास्थ्य निर्देशनालय डोटीका अनुसार पछिल्लो २४ घण्टामा ४ सय ३६ जनाले कोरोना जितेका छन ।सुदूरपश्चिममा कोरोना संक्रमणका कारण मंगलबार कसैले पनि ज्यान गुमाएका छैनन ।
