अत्तरिया – कैलालीको अत्तरियामा प्रधानमन्त्री केपी शर्मा ओली र उपप्रधान तथा शहरी विकास मन्त्री राजेन्द्र महतोको पुत्ला दहन गरिएको छ ।
युथ कांग्रेस कैलाली क्षेत्र नम्बर ४ र नेपाल विद्यार्थी संघको आयोजनामा अत्तरिया चोकमा ओली र महतोको पुत्ला दहन गरिएको हो ।…
पुत्ला दहनका क्रममा उनीहरूले उपप्रधानमन्त्री महतोले दिएको बहुराष्ट्र र बहुराज्य बनाउन मुक्ति आन्दोलन गर्नुपर्ने अभिव्यक्तिको विरोध गरेका थिए ।
पुत्ला दहनका क्रममा महतोको अभिव्यक्ति सँगै नागरिक विधेयक, चुरे उत्खनन गरी ढुंगा, गिट्टी र बालुवा निकासी गर्न दिने सरकारी निर्णयको समेत विरोध गरेको युथ कांग्रेस कैलालीका सदस्य एलआर ओझाले बताए ।
पुत्ला दहनका क्रममा प्रहरीले रोक्न खोजेपछि केही समय दुवै पक्ष बिच हातपात समेत भएको थियो ।
पुत्ला दहन कार्यक्रममा युथ कांग्रेस कैलाली क्षेत्र नम्बर ४ संयोजक प्रकाश बोहरा लगायतका विद्यार्थी तथा युवा नेताहरूको सहभागिता रहेको थियो ।
