अमेरिकाले नेपाल लगायत विभिन्न देशलाई कोरोना विरुद्धको खोप दिने घोषणा गरेको छ ।
नेपालले ५० लाख डोज खोप प्राप्त गर्ने भनिए तापनि अहिलेसम्म कति परिमाणमा खोप दिने भन्ने बारे खुलाइएको छैन ।
नेपालस्थित अमेरिकी दूतावासले आफ्नो फेसबुकमार्फत कोरोना विरुद्धको खोप दिने घोषणा गरेको जानकारी गराएको हो ।
अमेरिकाले नेपाल लगायत एशियाका विभिन्न देशलाई कोभ्याक्समार्फत ७० लाख डोज खोप उपलबध गराउने भएको जनाइएको छ ।
अमेरिकाको उक्त घोषणाका लागि प्रधानमन्त्री केपी शर्मा ओलीले ट्वीटरमार्फत धन्यवाद दिनु भएको छ ।
उनले कोभिडविरुद्ध खोप उपलब्ध गराउने घोषणामा अमेरिकी राष्ट्रपति जो बाइडेन र उपराष्ट्रपति कमला ह्यारिसलाई दिनु भएको छ ।
प्रधानमन्त्री ओलीले उक्त घोषणाले नेपाल र अमेरिकाबीचको मैत्रीपूर्ण सम्बन्ध अझ प्रगाढ हुने पनि ट्वीटमार्फत व्यक्त गर्नु भएको छ ।
संयुक्त राज्य अमेरिकाले एशियाका बिभिन्न १७ वटा देशलाई करिब ७० लाख डोज कोभिडविरुद्धको खोप उपलब्ध गराउने घोषणा गरेको छ ।
नेपाललाई दिइने भनिएको खोप पनि यसै घोषणा अन्तरगत पर्दछ ।
