फिलिपिन्सका राष्ट्रपति रोड्रियो डुटेर्टेले राजधानी मनिलामा फेरि लकडाउन घोषणा गरेका छन्। कोरोना संक्रमण बढेपछि दुई हप्ताका लागि फेरि लकडाउन गरिएको हो।
मंगलवारबाट मनिलादेखि अन्य प्रान्तहरुसँग आवतजावतलाई पनि बन्द गरिएको छ।
आइतबारमात्रै फिलिपिन्समा ५ हजारभन्दा बढी संक्रमित पहिचान भएका थिए। देशभर कोरोना संक्रमितको संख्या १ लाख नाघेपछि चिकित्सकहरुले संक्रमण तीब्ररूपमा फैलिनसक्ने चेतावनी दिएका थिए।
यसपटकको लकडाउनले २ करोडभन्दा बढी मानिस प्रभावित हुने बताइएको छ।
लकडाउनकाको समयमा अत्यावश्यक काममा जानुपर्ने बाहेकका अन्य सबै यात्रामा प्रतिबन्ध लगाइएको छ।
फिलिपिन्समा जुन १ तारिखदेखि लकडाउन अन्त्य गरिएको थियो।
