नेपालमा पछिल्लो २४ घण्टामा थप ६ हजार ९३९ जनामा कोरोना भाइरस संक्रमण पुष्टि हुँदा ७ हजार २२६ जना संक्रमणमुक्त भएर डिस्चार्ज भएका छन् ।
स्वास्थ्य मन्त्रालयका अनुसार २४ घण्टामा २० हजार ९९२ नमुनाको पीसीआर तथा एन्टिजेन परीक्षण गरिएको छ । आज देशभर १ लाख १६ हजार ४७६ जना सक्रिय संक्रमित रहेका छन् ।
देशभर ५ लाख ४२ हजार २५६ जनामा कोरोना संक्रमण पुष्टि हुँदा ४ लाख १८ हजार ८२९ जना संक्रमणमुक्त भएका छन् ।
आज थप १०६ जनाको कोरोना संक्रमणबाट ज्यान गएको छ । योसँगै नेपालमा कोरोनाबाट ज्यान गुमाउनेको संख्या ६ हजार ९५१ पुगेको छ ।
