कैलाली- कैलालीको अत्तरियामा आकस्मिक एम्बुलेन्सको सेवा दिनको लागि हाईस गाडी प्रयोगमा ल्याईएको छ । कोरोना महामारीमा बिरामीले एम्बुलेन्स नपाएर ज्यान गुमाउन नपरोस भन्नका लागि हाईस मार्फत एम्बुलेन्स सेवा दिन लागिएको हो ।
कोराना संक्रमित लगायत अन्य बिरामीलाई बोक्न एम्बुलेन्सको अभाव भएका कारण हाईसलाई पनि एम्बुलेन्सका रुपमा प्रयोग गरिएको जिपि कोइराला लोकतन्त्र सम्बर्द्धन केन्द्र कैलालीका संयोजक जगत राम महराले बताए ।
यसअघि जिपि कोइराला लोकतन्त्र सम्बर्द्धन केन्द्र कैलालीले अत्तरियामा दुई वटा अटो मार्फत निःशुल्क रुपमा एम्बुलेन्स सेवा दिर्दै आएको छ ।
कोरोना महामारीमा एम्बुलेन्सको अभावका कारण विरामीहरुले अकालमै ज्यान गुमाउनु परेको अवस्थालाई मध्यनजर गर्दै गोदावरी नगरपालिका क्षेत्र भित्रका बिरामीहरुका लागि गरी जिपि कोइराला लोकतन्त्र सम्बर्द्धन केन्द्र कैलाली मार्फत एम्बुलेन्स सेवा संचालनमा ल्याईएको हो ।
उक्त अभियानमा हरिप्रिया फाउन्डेसन, नेपाल रेडक्रस सोसाइटी अत्तरिया उपशाखा र केएफ फाउण्डेशनको सहकार्य रहेको छ ।
गोदावरी नगरपालिका क्षेत्र भित्रका कोरोना लगायत आकस्मिक बिरामीहरुका लागि उपलब्ध हुने आकस्मिक एम्बुलेन्स सेवाका लागि 9865765357, 9865630355, 9848616161, 9863402698, 9867054206, 9865664476 , 9742380101/ 9811619464, 9865909192, 9869911014 , 9868880809 , 9848590005 नम्बरहरुमा फोन गर्न सकिने जनाईएको छ ।
