कञ्चनपुर,२ जेठ । कञ्चनपुरमा रहेको बिबि मार्टका संचालक पक्राउ परेका छन् । जिल्ला प्रशासनले आईतवार स्वास्थ्य सुरक्षाको मापडण्ड अपनाई खाद्य वस्तुको लागि पसल तथा व्यावसाय गर्ने भनिएको भए पनि स्वास्थ सुरक्षा मापदण्ड पालना नगराइ मार्ट संचालन गरेको भन्दै प्रहरीले २ जना कर्मचारीलाई पक्राउ गरेको हो ।
मार्टमा स्वास्थ्य सुरक्षाको कुनै पनि पालना नगरिएको भिडभाड गरि व्यापार व्यावसाय संचालन गरेको र प्रशासनको आदेश विपरित पसल संचालन गरिएको पाईएकाले आईतवार बिहान मार्टका संचालक २ जनालाई पक्राउ गरिएको जिल्ला प्रहरी कार्यालय कञ्चनपुरका प्रहरी प्रवक्ता प्रहरी नायव उपरिक्षक अमरबहादुर थापाले बताए ।
अहिले दुबैजनालाई पक्राउ गरि सोधपुछ भईरहेको उनले बताए । जिल्ला प्रशसनको आदेश अनुरुप निषेधाज्ञाको उल्लङघन गरिएको फेला पारे संक्रामक रोग ऐन २०२० अनूरुप कार्वाही गरिने उल्लेख छ ।
