डडेल्धुरा – डडेल्धुरा अस्पताल डडेल्धुरामा कार्यरत दुई जना स्वास्थ्यकर्मी सेती नदीमा बगेर बेपत्ता भएका छन । एक जनाको सकुसल उद्दार गरिएको छ ।
डोटीमा रहेको शैलेश्वरी मन्दिरको दर्शन गर्न शनिबार बिहान गएका उनीहरु फर्कीने क्रममा गर्मी भएर सेती नदीमा नुहाउन जादा सेतीले बगाएको जिल्ला प्रहरी कार्यालय डोटीले जानकारी दिएको छ ।
डडेल्धुरा अस्पतालका हेल्थ असिस्टेन्ट बिनय बहादुर सिंह र ल्याव सुपरिटेन्डेन्ट हरि जोशी नदिले बगाउदा बेपत्ता भएका छन । अस्पतालकै अर्का कर्मचारी प्रेम ठगुन्नाको उद्दार गरिएको छ । बेपत्ता भएका हरुको खोजी भैरहेको छ ।
जिल्ला प्रहरीकार्यालय डोटीबाट खटिएको प्रहरी टोली, पिपल्ला, तिल्ताली, चमराचौतारा, वाईल र तल्कोट बझाङ्गबाट प्रहरीको टोली खटिएर बेपत्ता उनीहरुको खोजी कार्य भैईरहेको छ । शिखर नगरपालीका १० गहनान भन्ने ठाँउ बाट दिउसो सवा दुई बजे तिर सेतीले बगाएको प्रहरीले बताए ।
