कञ्चनपुरको बाणीमा आगलागी भएको छ । कृष्णपुर नगरपालीका वडा नम्बर २ बाणीमा आगलागीबाट हस्त बहादुर महताको २ तले काठको घर जलेको स्थानिय नरेश नाथ योगीले जानकारी दिए ।
गत चैत्र २९ गते राती बिद्युतको तार सट भएर आगलागी भएको उनले बताए । घरभित्र रहेका काठको ५ ओटा ढोका, झ्यालको ५ वटा चौखट, ४० ओटा फ्रेम, खाद्यान्न, भाडाकुडी र लत्ताकपडा जलेर पुर्ण रुपमा नष्ट भएको बताईएको छ ।
आगलागीबाट करिव २ लाख बराबरको क्षति भएको छ । स्थानिय र प्रहरीको सहयोगमा झलारीको दमकलले आगो नियन्त्रणमा आएको बताईएको छ । नजिकै रहेको बाणी अस्पतालको छत्जामा समेत आगोले क्षति गरेको स्थानिय योगीले जानकारी दिए ।
